हिरखै दी होंदी ऐ नराली रीत मैह्रमा
छामां बेही सेक लग्गै धुप्पा सीत मैह्रमा।
हिरखै नचाया बु'ल्ला गैह्लियें बजारें च
होई गेई गिनतरी प्रभु दे प्यारें च
सच्ची-सुच्ची लग्गी जन्दी जेल्लै प्रीत मैह्रमा।
छामां बेही सेक लग्गै धुप्पा सीत मैह्रमा।
राँझे मेहियाँ चारियाँ न हिरखै रंगोइयै
हिरख सबूरा होआ उक्का मत्तू होइयै
गांदा रेहा हिरखै दे सच्चे गीत मैह्रमा
छामां बेही सेक लग्गै धुप्पा सीत मैह्रमा।
हिरखै दा बज्झा 'किप्पी' छुटदा नेईं ऐ
झल्ली दुश्वारियां बी टुटदा नेईं ऐ
रक्खै दिलै अंदर जे साफ नीत मैह्रमा
छामां बेही सेक लग्गै धुप्पा सीत मैह्रमा।
————————————————
