मीलों-मील डुआरी भरदा जावै
मजे-मजे च फंघ फलाए
बलगदे गी खुश रखने ताईं
ठौर-ठकाने परतोई आवै।
खु’ल्ले श्मानै फंघ फलांदा
ब्ह दी लैह्रें कन्नै लैह्रांदा
बिन्द बसोई बिंद परचिंत
एह् पैंछी सज्जन संदेड़ा आह्नदा।
परसिन्न मगन डुआरी भरदा
गुड्डे-गुड्डी दी पींह्ग झूलदा
नचिंत नशंग मस्त-मलंग
एह् पैंछी धारें-धारें दी खैर-खबर आह्नदा।
हाल-चाल पुच्छने आवै
खैर-खबर लैन्दा जावै
औन्दे-जंदे फंग डुआरी
रौंगली लशकारा खलारै।
खु’ल्ली वादियें च भांदा-भांदा
आप-ध्याना मिट्ठा गांदा
गांदा-गांदा गतार बनदा
हिरखी पैंछी थाह्रें-थाह्रें दी कत्थ सनान्दा।
————————————————-
