पानी अत्थरुएं दा पलेआया
मास दिलै दा खलाया
तां बी चैन इस्सी नेईं
खबरै कुन्न डराई गेदा ऐ
कुसदा त्राह् गेदा पेई
नां काकलें पर औंदी
नां काह्न्नी कन्नै छोंह्दी
घटोंदी अंदरो-अंदर गै
मिगी घराट बनी पींह्दी
नां मौत इसगी औंदी
नां मिगी जीना दिंदी
जाई कालजै मेरै अंदर
नित्त नमें पच्छ करांदी
कंडे पैन्ने-पैन्ने लेइयै
मेरे सीनै च खुबांह्दी
तरस अपना निं औंदा
क्यास मेरा बी निं खंदी
लोथड़ा छुड़ी मेरा एह्
कुतै होर नेईं जंदी
खबरै केह्ड़ी ऐ पीड़ इस नेईं
झलोऐ करदी
इक्क कवता मेरे अंदर
नित्त ध्याड़े घटोऐ करदी।
————————————
