बड्डे

बडेरे—

कंधां
कुल्लें दियां
मकानें दियां
कोठियें दियां
भामें होन मैह्लें दियां 
वजूद पांदियां 
इट्टें दे एकेऽ कन्नै। 

अपना वजूद म्हेसी 
सीमेंट-लेत्तर इक्क-मिक्क होई जंदे
जल-कणें कन्नै
इट्ट-इट्ट जुड़दी
बनदियां मज़बूत कंधां। 

समां लंघदा
लंघदा जंदा
ब'रा दर ब'रा
कंधां लभदियां मज़बूत
बो भुरी गेदियां होंदियां 
अंदरो-अंदरी।

भुर-भुर करदे रिश्ते-नाते
छुड़कदे जंदे ताने-बाने 
लाबे जि’यां होन पुराने
की जे जल-कण
सुकदे जंदे
बड्डे-बडेरे मुकदे जंदे।
———————————