नीम्मै देआ बूह्टेआ ओ सुरगै दे झूटेआ
कौड़ तेरी मेरे ताईं चास
बिस्स मेरे अन्दरै दी सीकी लै तूं मैह्रमा
तेरे थमां इ’यै मिगी आस।
बिस्स मेरे अन्दरै दी सीकी लै तूं मैह्रमा।
हिरदे दी बिस्स मेरी भावें च समाई गेई
मिगी मेरा दुश्मन अपना बनाई गेई
पोटा-पोटा जैह्री होआ जैह्रै नै भरोआ ऐ
पोटै-पोटै इस्सै दा गै बास
बिस्स मेरे अन्दरै दी सीकी लै तूं मैह्रमा।
रक्कड़ै चा पुट्टी तुगी बेह्ड़ै आही लाया ऐ
कौड़तन करी तुगी मित्तर बनाया ऐ
शान मेरे बेह्ड़े दी ऐ तेरे करी मैह्रमा
ऐसा मेरा डूह्गा विशवास
बिस्स मेरे अन्दरै दी सीकी लै तूं मैह्रमा।
पींदे जा दे रत्त सारी खुशियाँ मना दे
लोभै दे कटाणु मनसूबे न बनाs दे
लुट्टी लैना इ'नें किप्पी ज्हान तेरा जबरें
पुट्टी देना तौलें तेरा नास
बिस्स मेरे अन्दरै दी सीकी लै तूं मैह्रमा।
———————————————-
