मन आखदा इक
बारी फ्ही जां उस्स थाह्र
मारियै डुआरी उड्डी
जां उस पार
जित्थै रौंह्दा हा
मेरा भलोकड़ापन
जित्थै बेफ़िक्री च
नच्चदा हा बचपन
जित्थै गीत गांदियाँ ही
भ्यागे चिड़ियां ते गटारिया
मनै गी लुभादियां हा
उच्चियाँ केरियां
ठंडे पानी दे नाडू
ते घने हे उत्थै जाड़
मनभांदे एह् सैह्ले मदान
जित्थै खंदे हे मक्कां सैलियां
बेही एह् कच्चे चौके
गल्लां लांदे हे मिठ्ठियां
जित्थै चुह्ल्दे हे
बह्ड़, मरूद, जामुन,
ते अम्बे दे बूह्टे,
ब्हाऊ दे फ़नाके कन्नै
किरदे हे सैलियाँ अम्बियां
कदें चुटदे एह् उच्ची पींघे दे चूह्टे
निग्घा हा उत्थै दादी दा हिरख
चेते दियां गल्लां
सारियां बत्तां
रोज भांदियां न रोह्ला
लेई जनदियां न दूर सभनें कोह्ला
ते मन आखदा इक
बारी फ्ही जाना उस्स थाह्र
मारियै डुआरी उड्डी जां उस्स पार।
——————————————-
