आई गे बरसाती डिड्डू दिक्खो कि’यां बोलदे बन्न- सबन्ने लाई मरह्क्खे कि’यां लस्सी छोलदे। पढ़े लिखे दे जागत-कुड़िया नौकर इ’नें कराने न सब्ज बाग लोकें गी दस्सी केह्-केह् जाल बिछाने न हर बारी इस मूर्ख बन्दे झुंड इं’दे नेईं खोह्लदे आई गे बरसाती डिड्डू दिक्खो कि’यां बोलदे। सड़क बिजली ते पानी हून घर-घर इ’नें पजामा ऐ अपना नीह्-पत्थर रक्खी घर-घर ढोल बजाना ऐ पैरें पौंदे हत्थ जोड़दे पिच्छूं एह् न रोलदे आई गे बरसाती डिड्डू दिक्खो कि’यां बोलदे। हारे-हुट्टे बुड्ढियाँ बुड्ढे दफ़्तर चक्कर लाई जी अद्धे राम प्यारे होई गे नेतें दे घर जाई जी पैन्शन उं’दी फ्ही नेईं लग्गी रेह् टाल-मटोलदे आई गे बरसाती डिड्डू दिक्खो कि’यां बोलदे। हिंदू-मुस्लिम बंडां पाई असेंगी एह् लडांदे न मंदिर ढाओ मस्जिद ढाए इ’यै किश सिखांदे न मन मैले ते चिट्टे टल्ले नेईं मैल मना दी गोलदे आई गे बरसाती डिड्डू दिक्खो कि’यां बोलदे। बोट मंगन औन जेलै गल्लां चार सुनाएओ जी भुंञां कौल शैल बढ़ाई एह्का भेत कढाएओ जी छे साल तुस केह्ड़े दफ़्तर फाइलां रेह् फरोलदे आई गे बरसाती डिड्डू दिक्खो कि’यां बोलदे। सोची- समझी वोट पाओ सारें रिश्वतख़ोरें गी गल्ल एह् समझानी जाइयै नाते-रिशते होरें गी सिर मनाइयै पिच्छूं रौह्गे नेईं तां चौरी झोलदे आई गे बरसाती डिड्डू दिक्खो कि’यां बोलदे। पोस्टर झंडे नारे हून घर-घर इ’नें लाने न तुसें बी सारें अग्गै बधियै सुत्ते लोग जगाने न मौका हत्था नेईं गबाएओ रौह्गे पक्खी झोलदे आई गे बरसाती डिड्डू दिक्खो कि’यां बोलदे। ———————————————————-
