लैन देओ बिंद साह्
सिटी हून स्मार्ट होई गेई यू टी दा केह् लाऽ
कंधां लीकी भरी टकाइयां भुक्खा टिड्ढ करलाऽ
फुब्बारे लाईटां लाइयै नेईं होंदा निर्वाह्
भलेआं कीऽ ओ मारी दिंदे, लैन देओ बिंद साह्।
पैह्ले पेई मार कोरोना हून...
रात होई की अज्ज दोआसन
रात होई की अज्ज दोआसन सुनमसान जरो
सिसकै दा ध्याड़ा की ऐ निम्मोझान जरो।
जैलदारै दी झारी अज्ज की गुड़की-बुड़की नेईं
गद्दियें दी शकारन की ऐ सुरकी घुरकी नेईं
दब्बडुयै पर कोई नेईं आया...
बुहासरदे मौन
किश नीं दिखदे होए बी
दिखदियां रौंह्दियां न अक्खियां
दिल-दमाके दे अंगने इच
चलदी रौंह्दी ऐ निरंतर
चुप्पिये दी विस्फोटक प्रक्रिया
खिड़दे-झड़दे रौंह्दे न
फुल्ल-पत्तर जैह्नी बगीचें च
चेत्ते दियां खुशबोइयां
भरी लैंह्दियां न कलाबे च
करदा रौंह्दा
शरीर लाडले गिल्लू आंह्गर
शकैतां...
एह् चिड़ियां
स्यालै दे सूरजै दियें
रेशमी रिश्में च
निग्घा- निग्घा सेक हा।
इक रंग बरंगी चिड़ी
मेरी बुक्कली च
बे'ई गेई
में उसगी पुचकारेआ
उसगी दुलारेआ
अक्खीं मीटी
किश पल सेई गेई।
नां मजाज कोई
नां पज्ज हा
छलैपे दी रानो ही ओह्
नां कोई बज्ज हा।
किन्ना 'क...
इक रात दे जातरी
इक रात दे जातरी
इ’यां बने जोड़ीदार तां दम
बतीत करदे रेह् दूरें-दूरें बंडोई दी
जिंदगी दे बनियै जान-प्राण।
मती सन्हाकड़ी मती सुच्ची
मुस्तैद सरोखड़ मती सोहामी
नंददार, मजेदार, शैल, रौंसली
हर मोड़ उप्पर बरसांत कणी-कणी।
शिव-शक्ति दा दिब्ब संगीत
तन-मन च भरोचे...
