किश गल्लां
आ किश गल्लां करचै
खरे समें गी चेता करचै
जदूं घैंटे पलें इच बीते
खुशियें दे चेतें इच जीचै।
जदूं हर कोई अपना लगदा
पराया अक्खर बगान्ना लगदा
केह्ड़ा देस, कु’त्थुआं दा बासी
कु’दे थमां किन्ना हिरख मिलदा।
केह्ड़ी बेल कु’त्थुं तकर...
मेद
मेद,
नि’म्मी-नि’म्मी
मन-चित भांदी
निरछल
होठें पर मुस्कानें
आह्ली भोली कंजक
बन्न सबन्ने
खेडनुऐं नै
भांत-सभांते जतनें कन्नै
नित्त जिसगी पतेआना पौंदा !
मेद,
सूरज दे चढ़ने शा पैह्लें
सूरज दे ढलने दे मगरा
तुलसी दे थढ़ै, शिवालै
पिप्पलै हेठ
कुसै भाग्याली दे हत्थें दा दीप-दान
जां
सुच्चम ते...
मुसीबत, दुख
सुख सांझे, सांझा जीना-मरना
अज्ज निं ओह्के लोक कुतै बी, नां ओह् दैर सनैह्री ।
कल्ल तक चंगा भला हा 'पूरण' अज्ज कैंह् बनेआ मत्तू
कुस इश्क़ै दा भूत पेलेआ जां नज़रें दी बैहरी ।
