Dogri

मन बी कैसा झल्ला ऐ सारें दी मनदा चलदा ऐ पर अपनी जिसलै करदा ऐ फ्ही रत्ती निं कुसै दी सुनदा ऐ तां सारें दी नजरी चढ़दा ऐ। मेरे मनै इक रट्ट लेई रट्टी ऐ जे सनानी सारें गी...

जख्में ई डूंह्‌गा फट्ट लुआया फ्ही हास्सें दा जामा पाया । तेरे बस दा रोग निं खुशियां रोज बथ्हेरा मन समझाया। अज्ज लैंह्‌दे दा चढ़ेआ सूरज तूं जो बेह्‌ड़ै पैर टकाया । हक्क बगान्ने खूब डकारे लुब्भें जदूं हां ढिड्ड बधाया...

इक्क बद्दल जंदे-जंदे ऐसा शारा देई गेआ आर-पार होऐ दा दरया मीं कनारा देई गेआ । मन-डुआरी चन्न-तारे गास गांह्‌दी गै र’वै । मेरा साह्‌सत्त फंघें आह्‌ला मीं ऐ चारा देई गेआ । मेरी हिम्मत दा जो...

यूटी अंदर मच्छर-बिड़ी डंग लगे न लान सारै इ’नें घेरा मारी कीता ऐ परेशान ग्राएं, पिंडैं, शैह्‌रैं, बजारैं बस्से बेशमार टीके लाइयै चाढ़न बिस्स, कन्नै निग्गर बखार मच्छरदानी अंदर बड़ियै सूहा गुट्ट लशकान सारै इ’नें घेरा मारी कीता ऐ...

की घमंडी बुक्कल मारैं? केह् ऐ तेरा सोच-बचारैं। आई खड़ोता जित्थै अज्ज तूं पैह्‌लें उत्थै केईं खडारे। समें दा एह् पेहिया चलदा केईं बगाड़े केईं सुआरे। गौरी गजनी गे-गुआचे अपनी की निं खैर बचारैं? माया औंदे अ'न्ना करदी दसदी सारे रंग-नजारे। की भलेखे पेइयै इसदे कंध घमंडी नज़रैं चाढ़ैं?...

लोऽ ते साह्– इक मुट्ठ लोऽ इक मुट्ठ साह् जिस्मै दे कमरे बिच्च रौंह्‌दे हिलदे-डुलदे उठदे-बौंह्‌दे जीव खुआंदे लोऽ अक्खें दी बारी चा दिक्खै सूरज गी औंदे-जंदे साह् मिलदे-गिलदे ब्हाऊ गी आखर, एह् कमरा डिगदा ऐ साह् ब्हाऊ नै लोऽ सूरज नै जो जिसदा,...

खट्टे-मिट्ठे बैर बरेतियें दे खंदे रौह्‌ना सूह्‌टा कड्ढी पानी पीना किक्करें दी फलियें दी बालियां बनांदे रौह्‌ना पिप्पलै दे पत्तरें दे कोकलुं बनांदे रौह्‌ना चिड़ियें दे आह्‌लड़ें दे मुकट बनाई लैने फ्ही कुसै निक्की नेही गल्लै पर लड़ी पौना रुस्सी जाना...

सफाई— अपने उप्पर काबू रक्खी गल्ल नुआढ़ी जरी ऐठा बैर मेरे शा निभेआ निं, में सु’ला-सफाई करी ऐठा । अपना पक्ख सनाने दियां में लड़ाइयां केईं सबीलां नर्मी गी कमजोरी मिथियै सुनियां गै निं उन दलीलां सच्चो-सच्च में ओह्‌दे...

में शगनैं दरेहास रखाया, तोरन दोआर टंगाए मेरे भाग डोआठन टप्पी अज्ज कुधरै घर आए । जदुऐं दे सुख मेरै बौह्‌ड़े, अंग-संग प्रीत ऐ जागी आस फंघुऐं डारा भरियां, प्रीतम लैने थाह्‌ग्गी बिंद घड़ी झलकारे गित्तै जुगें शा...

साढ़ा हिरख बरसाती तौहै आंह्‌गर शैल सूंकेआ शैल फूंकरेआ ते शैल नशर होआ केह् दस्सां, जिंदे केह् हशर होआ ! फट्टेआ जुआनी दा बद्दल खु’ल्ली पेइयां पानी दियां लद्दां ते फ्ही, भौडां,लांझां ते छल्ल कदें उप्पर, कदें ख'ल्ल लेई गे‌ रोढ़ियै साढ़ियां खाह्‌शां साढ़ियां चाह्‌तां साढ़ियां आसां...