सुर्गी झूट
झटारे--
में शायर नेईं
जो दस्सां अक्खरें दे तमाशे
में गीतकार बी नेईं
जो भोरां प्रीतै दे पतासे।
में बरेगड़ा !
में
अपनी बरेगड़ी आस्तै
अपनी स्हेलड़ी आस्तै
तील- तील चुनियै
चुंझें दे क्रोशिये कन्नै
बुनी लैन्नां
अपनी प्रीतै दा आह्लड़ा ।
मड़ा!
केह् करने मैह्ल-मनारे?
उच्चे मनेरे,...
मेरा शैह्र
मेरा शैह्र
किश मंदरें, मैह्लें ते खंडरें दा
बरखा इसगी नुहालदी ऐ
सूरज-पुत्तरी इसगी सुच्चा करी ओड़दी ऐ ।
शैह्रै दे हर चौकै च
उच्चे थढ़े उप्पर सज्जी दियां
बराजमान किश आदमकद मूरतां
मेरे पूर्वज महाराजे
वीर योद्धा ते राजनेता दियां...
आ’ऊं कंडेआरी
आ’ऊं कंडेआरी जाड़ै अंदर, कोल निं मेरै बौंह्दा कोई
राही लंघन सफरैं पेदे, कश निं मेरै औंदा कोई।
डाह्ल्ली पर निं चैह्कै-मैह्कै, डार एह् रंगली चिड़ियें दा
पूर निं मेरे कोल ऐ ढुकदा, कीकली पांदी कुड़ियें दा
में...
