आदमी दा मौसम
नंगियें धारें प हट्टी खोलियै भखदियें धुप्पें च मौसम तोलदा तितलियें दे फंघ तलियें पोचियै आदमी बुक्कें च मौसम तोलदा। अंबरै गी हाशियें दी क़ैद केह् ? मौसमे गी लीकरें केह् रोकना मैथ ने बनियां बनाया आदमी…
Susheel Begana
Writer
नंगियें धारें प हट्टी खोलियै भखदियें धुप्पें च मौसम तोलदा तितलियें दे फंघ तलियें पोचियै आदमी बुक्कें च मौसम तोलदा। अंबरै गी हाशियें दी क़ैद केह् ? मौसमे गी लीकरें केह् रोकना मैथ ने बनियां बनाया आदमी सुपलियें टुप्पें च मौसम तोलदा। बचपुने दी रोशनी शा बे-खबर न्हेरियें रातीं दा बुड्डा आदमी बांदियें ब्हारें गी हत्थें पूंजियै डूंह्गियें कुक्खें च मौसम तोलदा। आदमी आं आदमी दी केह् सुनां आदमी डाह्डी बचित्तर शैह् मड़ो रोंदियें धारें दे अत्थरूं बेचियै डुसकदे रुक्खें च मौसम तोलदा। आखदे जिसगी ’बगान्ना’ आदमी ओपरे गै मौसमें दे दम भरे रज्जियें रित्तें दे ढिड्डू तोसियै मरदियें भुक्खें च मौसम तोलदा। ——————————————
