बांमरी
ओढनू हिरखै दा रंगी जाएआं बनियै ललारी मिट्ठी-मिट्ठी बौंसरी बजाई जाएआं, कृष्ण मुरारी । बैठियां अत्थड़, हीखी तेरी, गोरियां सारियां विरह च तड़फन तेरे गमै दियां मारियां ठोकियै, बजोगै सट्ट लाई कालजै करारी…
R
Rajendra Kumar Naarang
Writer
ओढनू हिरखै दा रंगी जाएआं बनियै ललारी मिट्ठी-मिट्ठी बौंसरी बजाई जाएआं, कृष्ण मुरारी । बैठियां अत्थड़, हीखी तेरी, गोरियां सारियां विरह च तड़फन तेरे गमै दियां मारियां ठोकियै, बजोगै सट्ट लाई कालजै करारी मिट्ठी-मिट्ठी बौंसरी बजाई जाएआं, कृष्ण मुरारी । थां-थां पुच्छी-पुच्छी कनसोऽ लैन तेरी पारत निं पवै, साए काले मनै पान फेरी भुक्ख-त्रेह् हैन्नीं, छड़ी दर्शनें दी बेकरारी मिट्ठी-मिट्ठी बौंसरी बजाई जाएआं, कृष्ण मुरारी । सुद्ध-बुद्ध बतेरी, हुन कैंत्तै नै सलंग कि’यां टोरना दर्शन देआं प्रभु, एह् तेरे हिरखै दियां चोरनां भावना कन्नै इं’दी खेढी ‘राजेंद्र’ नेईं बनेआं बपारी मिट्ठी-मिट्ठी बौंसरी बजाई जाएआं, कृष्ण मुरारी ।
