भारत देस
पूरी दुनिया दे बिच्च तेरी बक्खरी गै शान ऐ सुन मेरेआ देसा मिगी तेरे पर मान ऐ। रावी ते चन्हाऽ इत्थै किट्ठे दोऐ बगै दे निक्के-निक्के नाड़ू इं'दी गोदै बिच्च पलै दे ठंडा-मिट्ठा नीर जित्थै करै गुनगान ऐ गंगा…
Heena Choudhary
Writer
पूरी दुनिया दे बिच्च तेरी बक्खरी गै शान ऐ सुन मेरेआ देसा मिगी तेरे पर मान ऐ। रावी ते चन्हाऽ इत्थै किट्ठे दोऐ बगै दे निक्के-निक्के नाड़ू इं'दी गोदै बिच्च पलै दे ठंडा-मिट्ठा नीर जित्थै करै गुनगान ऐ गंगा ते यमुना तेरी बक्खरी गै आन ऐ सुन मेरेआ देसा मिगी तेरे पर मान ऐ। हिंदु-मुसलिम किट्ठे इत्थै भाई बनियै बौहै दे दुख-सुख बिच्च दिक्ख ईसाई बी खड़ोऐ दे सिक्खें जित्थै हस्सी-हस्सी बारी अपनी जान ऐ देसै खातर बच्चे उत्थै होए कुर्बान ऐ सुन मेरेआ देसा मिगी तेरे पर मान ऐ। सुन्ने दी चिड़ी दा तेरे सर ताज ऐ सड़दे न बैरी तेरे इक्कै उं'दा लाज ऐ गजदे न जोद्धे तेरे जाई बिच्च मदान ऐ घूरी आया जेह्ड़ा तुगी निं लब्भेआ कुसै ज्हान ऐ सुन मेरेआ देसा मिगी तेरे पर मान ऐ। आई अंग्रेजें जदूं कैह्र बरसाया हा ओह् तेरे गै शेर हे गल मौती जि’नें लाया हा नां जचेआ हा रंग दूआ बसंती गै छाया हा इस्सै बंसती ने असें ई दित्ती पन्छान ऐ सुन मेरेआ देसा मिगी तेरे पर मान ऐ। राखी न करै दे नेइयों फ्ही डरै दे बैरी कन्नै डटियै दिक्खो एह् लड़ै दे जल, वायु, थल 'हीना' करदी सलाम ऐ इं'दे गै हत्थ अज्ज सारी कमान ऐ सुन मेरेआ देसा मिगी तेरे पर मान ऐ।
