धरती मां

तुगी छुड़ी अस कुत्थै जाचै
कुत्थै जाई घर बनाचै
तुगी छुड़ी कुतै जाई नेईं सकदे
मैह्ल बदेसैं पाई नेईं सकदे।

तुगी धरती, तुगी मां गलाचै
तेरे बंजर भागें च फुल्लड़ू लाचै
कंढी गीत कश्मीर बनाचै
इत्त बी मिट्ठा नीर पजाचै।

तेरे रुक्ख  बूह्टे दिखी, मन खुश होंदा ऐ
जीवन जीने दा हर साह् इत्थूं थ्होंदा ऐ
हून सारें रली असें इक वादा नभाना ऐ
अपनी बरसगढं उप्पर इक बूह्टा लाना ऐ।

फलें लद्दोए बूह्टे जेल्लै हस्सी- हस्सी पौना ऐ
दिक्खी-दिक्खी साढ़ा फ्ही चित्त खुश होना ऐ
पलै-पलै गिल्लुंए फ्ही सुआल असेंगी पाना ऐ
चाएं- चाएं असें उ’नेंगी समझाना ऐ
एह् होंदा स्येऊ एप्पल एह् खुआंदा ऐ
रोग दूर करदा ते निरोग असेंगी बनांदा ऐ।
        —————————-