गलबा
- धूड़-मधूड़ा लब्भै मेरे मनै दा रेडियो बी रेडियो साहीं जेह्ड़ा सनांदा हा कदें गल्लां-कत्थां मन-भानियां चित-पतेआनियां सुनी-सनाई दियां आले-दुआले चौनें पासें दियां । मेरे मनै दा रेडियो अज्ज चुप ऐ एह्दी…
K
Kulbhushan Jasarotiya
Writer
- धूड़-मधूड़ा लब्भै मेरे मनै दा रेडियो बी रेडियो साहीं जेह्ड़ा सनांदा हा कदें गल्लां-कत्थां मन-भानियां चित-पतेआनियां सुनी-सनाई दियां आले-दुआले चौनें पासें दियां । मेरे मनै दा रेडियो अज्ज चुप ऐ एह्दी बुआज गुम ऐ न्हेर-मन्हेरे कमरे च पक्की कंधै गी टक्करां मारदा जे कोई आवै ते मिगी अज़ाद करी देऐ की जे में अज़ाद रौह्ना चाह्न्नां लोकें दी अवाज सुनना ते अपनी सनाना चाह्न्नां । पर पता नेईं कु’त्थुआं दे न एह् बपारी कु’न न एह् खढारी जि’नें करी लेदा गलबा रेडियो पर । …………………………………….
