गज़ल
दिखदे-दिखदे सब बदलोआ कल्ल किश हा, अज्ज किश होआ। बड़े दुख-कसाले, बड़े जफर-जाले खीरी पुच्छो तां किश निं थ्होआ। चतर-चनार झट्ट खिसकेआ शक्का बिच्च शरीफ तनोआ । हासैं-गड़ाकैं रुज्झा हा ओह् होनी आई तां फुट्टी…
R
Ratan Doshi
Writer
दिखदे-दिखदे सब बदलोआ कल्ल किश हा, अज्ज किश होआ। बड़े दुख-कसाले, बड़े जफर-जाले खीरी पुच्छो तां किश निं थ्होआ। चतर-चनार झट्ट खिसकेआ शक्का बिच्च शरीफ तनोआ । हासैं-गड़ाकैं रुज्झा हा ओह् होनी आई तां फुट्टी रोआ । रज्जी नोट डकारे जिसने उ’ब्बी भुक्खें बिच्च लखोआ। मिट्टी मिलदे पल निं लग्गना उच्चा जेह्का मता चकोआ । ‘दोषी’ अक्खियैं रात गोआची लो लगदे सार सनोआ ।
