गज़ल
स’ञां दे परछामे कोला नस्सी डरना किन्ने चिर सोचैं पाली भै न्हेरें दा, कण-कण मरना किन्ने चिर ! की नेईं तुप्पी लैचै कारी, फट्ट भलेरी राम देऐ जो अल्ले घाएं लून सट्हाइयै पीड़ें इ जरना किन्ने चिर ! भौड़े नै…
A
Ashok Ambar
Writer
स’ञां दे परछामे कोला नस्सी डरना किन्ने चिर सोचैं पाली भै न्हेरें दा, कण-कण मरना किन्ने चिर ! की नेईं तुप्पी लैचै कारी, फट्ट भलेरी राम देऐ जो अल्ले घाएं लून सट्हाइयै पीड़ें इ जरना किन्ने चिर ! भौड़े नै भिड़ने दा कोई चेचा कड्ढना पौना तोड़ काग़ज़ दी इस देह् किशती ने आखर तरना किन्ने चिर! रुढ़ी निं जायां निक्कें हाड़ैं हाठ दना किछ उच्चा कर अजें पता निं इस बदली ने त्रुटी ब’रना किन्ने चिर ! मेरा बातन पुच्छा करदा मेरे भोलें दाएं गी नेईं सफलता कन्नै करियै इ’यां हरना किन्ने चिर ! चाढ़ दनां मुसकान दा सूरज, डिग्गल गम दे छट्टन किछ शैह्र मेरे दी इन अक्खीं ने छमछम ब’रना किन्ने चिर ! इक दिन करना पौना निश्चा औखें कन्नै लड़नै ताईं झूठी आसें, फिक्की सद्धरें मनै ई भरना किन्ने चिर ! बत्तैं अक्खीं पत्थर होइयां, कोई सनेहा आवै उ’दा इंतजा़र मैं उसदा ‘अम्बर’ होर बी करना किन्ने चिर !
