गीत
हिरदै हुल्ल मचांदे फुल्ल टटूहे दे हिरखी गीत सनांदे फुल्ल टटूहे दे। कनक सनैह्री फुल्ल गलाबी दक्ख सन्हाका लब्भै कुदरत नेमत राहें नवाजै खेतर-खेतर फब्बै कायनात सजांदे फुल्ल टटूहे दे। नेकां कीट पतंगे…
K
Kuldeep Kippi
Writer
हिरदै हुल्ल मचांदे फुल्ल टटूहे दे हिरखी गीत सनांदे फुल्ल टटूहे दे। कनक सनैह्री फुल्ल गलाबी दक्ख सन्हाका लब्भै कुदरत नेमत राहें नवाजै खेतर-खेतर फब्बै कायनात सजांदे फुल्ल टटूहे दे। नेकां कीट पतंगे पक्खरु लागै आह्नी बौंह्दे, धरत बछाई गास ओड़दे गूढ़ी नींदर सौंदे सुरगी झत्त करांदे फुल्ल टटूहे दे। कुदरत दी गोदा च बेहियै अपना आप भलांदा, कुदरत कन्नै लड़ियै माह्नू डाह्डा दुक्ख कमांदा, कश्ट-क्लेश मटांदे फुल्ल टटूहे दे। ——————————————-
