हिमाचली गज़ल
कु’ण माड़े, कु’ण चंगे जी मत लैंदे तुस पंगे जी सभनीं च इक प्रीत पलै अनमुक गाले मंगे जी । हौद-हमामैं न्हौआ दे अपने-अपने रंगे जी गांधी दे अज्ज रूपैं न लोक करा दे दंगे जी । बड़े-बड़े बदमाशां गैं मुक्के…
P
Pratyoosh Guleri
Writer
कु’ण माड़े, कु’ण चंगे जी मत लैंदे तुस पंगे जी सभनीं च इक प्रीत पलै अनमुक गाले मंगे जी । हौद-हमामैं न्हौआ दे अपने-अपने रंगे जी गांधी दे अज्ज रूपैं न लोक करा दे दंगे जी । बड़े-बड़े बदमाशां गैं मुक्के जां जे खंघे जी देसे दे भाऊ हाकम तां उन्नी-इक्की नंगे जी । चला कचैह्री ठाणै तां केह् कुछ कु’ण ना मंगे जी तोपा काली भेडां जो अपने दाएं-ढंगे जी । मते मिका रे दुश्मण नैं हर-हर बोलण गंगे जी मती परानी क्हावत ऐ कलजुग शक्ति संघे जी ।
