ग़ज़ल
करां बी केह् समीने दा तरीका। बड़ा औखा ऐ जीने दा तरीका।। सभा$ मेरा ब'रीका जागतू ऐ, करी दिख हां पतीने दा तरीका। नकोरा चादरू लीरां मैं कित्ता, सखोआ नेईं प सीने दा तरीका। मेरा साकी दुहत्थी डोलदा ऐ, मिगी…
Keerti Thakur
Writer
करां बी केह् समीने दा तरीका।
बड़ा औखा ऐ जीने दा तरीका।।
सभा$ मेरा ब'रीका जागतू ऐ,
करी दिख हां पतीने दा तरीका।
नकोरा चादरू लीरां मैं कित्ता,
सखोआ नेईं प सीने दा तरीका।
मेरा साकी दुहत्थी डोलदा ऐ,
मिगी औंदा नि पीने दा तरीका।
शह्तीरें गी दनां डिबकन नि दिंदा,
बड़ा भांदा मी लीने दा तरीका।
मेरे प्रीतम नै औं रुस्सां बी की नी?
उ'दा दिख तां मनीने दा तरीका।
2 Comments
A
Ashish Sumbria 18 May 2021
Uttam🙏
A
Ashish Sumbria 11 August 2021
खूब सोह्नी गजल👍
