लेविटेशन ते गरेविटेशन
जे कदें ध्यान कन्नै सोचो तां एह् बुज्झना औखा नेईं कि जिंदगी केह्ड़े पास्सै जा करदी सुरगै भेठा जां नरकें दियें नालियें च। जिस बेल्लै में भरची जन्नां ईरखा, क्रोध, मद, लोभै कन्नै जां करना निंदेआ, धोखा,…
V
Vikas Mangotra
Writer
जे कदें ध्यान कन्नै सोचो तां एह् बुज्झना औखा नेईं कि जिंदगी केह्ड़े पास्सै जा करदी सुरगै भेठा जां नरकें दियें नालियें च। जिस बेल्लै में भरची जन्नां ईरखा, क्रोध, मद, लोभै कन्नै जां करना निंदेआ, धोखा, चोरी जां अटकाना रोड़े कुसै दी राहें जां करना सूखम चलाकियां बी इक अजीब जेहा भार मेरे मनै उप्पर पेई जंदा ऐ मिगी पता लगदा जां नेईं जां में पता लाना नेईं चाह्ना इक अजीब जेही कशिश गरेविटेशन साहीं मिगी खिचदी ऐ दूर कुतें नरकें दी अतल खाइयें च। इ’यां गै जिस बेल्लै में भरची जन्नां हिरखै कन्नै, करूणा, क्षमा कन्नै जां कुसै दी करना मदाद बननां कुसै दा स्हारा, बेशरत जां इ’यां गै लाई लैना कुसै गी गले करी लैना सांझा कुसै दा दुख तकलीफ जां कुसै टठ्ठे हुट्टे दे गी ठुआली दिन्ना बनी जन्नां कुसै भटके दे दा रैह्बर जां कुसै त्रुट्टे दे गी हौसला दिन्नां मेरा मन, मेरा शरीर हौला होई जंदा ऐ इयां बझोंदा में फैलदा जा करनां इन्नां, जिन्नां ऐ ब्रह्मांड ऐ ते इक अजीब जेही कशिश मिगी खिचदी ऐ उप्पर दूर कुतै सुरगें दे उच्चड़े गासै ते इक मुक्ति दा अह्सास होंदा ऐ इक वेटलैसनैस बझोंदी ऐ गरेविटेशन दा कोई जोर नेईं चलदा इस दुई कशिश 'लेविटेशन' दे अग्गै क्या एह् पन्छानना हून बी औखा ऐ जे साढ़ी जिंदगी कुद्दर जा करदी? सुरगें दे उच्चड़े गासें जां नरकें दी गंदियें नालियें च खौरे नेईं। ———————————————-
