मां डोगरी
र’वो भाएं देसा बिच्च, परदेसैं बस्सी जाओ मां बोल्ली डोगरी गी तुस नेईं भुल्ली जाओ डोगरें दी पैह्ली ऐ, पछान डोगरी डोगरी ऐ मां साढ़ी, जान डोगरी । खाई लैओ पिज्जे-नूडल, बर्गर खाई लैओ कदें-कदें राजमाह् ते…
V
Vikas Mangotra
Writer
र’वो भाएं देसा बिच्च, परदेसैं बस्सी जाओ मां बोल्ली डोगरी गी तुस नेईं भुल्ली जाओ डोगरें दी पैह्ली ऐ, पछान डोगरी डोगरी ऐ मां साढ़ी, जान डोगरी । खाई लैओ पिज्जे-नूडल, बर्गर खाई लैओ कदें-कदें राजमाह् ते चौल बी बनाई लैएओ बब्बरू- माल-पूड़े, घ्यूर बी बनाई लैएओ डून्ने-पत्तल, सगलें दी दाल निं भुल्ली जाएओ कदें-कदें चेत्ता करेओ धाम डोगरी डोगरी ऐ मां साढ़ी, जान डोगरी । रैप गाओ, पॉप गाओ, हालीवुड दिक्खी लैएओ साहिर, शैलेन्द्र सुनेओ, बालीवुड दिक्खी लैएओ भाख कदें, पद्मा जी दा गीत्तड़ू बी गाई लैएओ कालीबीर, मंडलीकै दी कारक बी सुनी लैएओ कदें-कदें पाई लैओ खुआन डोगरी डोगरी ऐ मां साढ़ी जान डोगरी । चंगियां पढ़ाइयां करेओ, मतियां कमाइयां जी उच्ची-उच्ची पोस्टें पर बेही जाएओ भाएं जी रक्खड़ी, देआली मिलेओ भैनें ते भ्राएं गी कदें-कदें फेरा पाएओ अपने ग्राऐं जी साढ़ा ल्हु, मास, मज्जा, प्राण डोगरी डोगरी ऐ मां साढ़ी, जान डोगरी । आपूं बोल्लो डोगरी ते ञ्यानें गी सखाएओ जी बावा जित्तो, रुट्ट-राड़े, सुंदर-मुंदरी गाएओ जी डोगरें दे इतहासै गी सुनेओ-सनाएओ जी डुग्गर देसा दी गल्ल अग्गें पजाएओ जी तांइयैं गै रौह्नी साढ़ी शान डोगरी डोगरी ऐ मां साढ़ी, जान डोगरी । ………………………………………………………….
