मात्तरी भाशा
क्या भाशा बी रुसदी ऐ कुसै कन्नै मी ते अजकल्ल इ’यै लगदा ऐ अपनी मात्तरी भाशा शायद दिलै दे सभनें शा नेड़ै होंदी ऐ ते होंदा ऐ उन्ना गै सौखा अपने दिलै दी गल्ल करना पर अजकल्ल, अजकल्ल मन भरोचे दा गै रौंह्दा…
V
Vikas Mangotra
Writer
क्या भाशा बी रुसदी ऐ कुसै कन्नै मी ते अजकल्ल इ’यै लगदा ऐ अपनी मात्तरी भाशा शायद दिलै दे सभनें शा नेड़ै होंदी ऐ ते होंदा ऐ उन्ना गै सौखा अपने दिलै दी गल्ल करना पर अजकल्ल, अजकल्ल मन भरोचे दा गै रौंह्दा ऐ इ’यां लगदा ऐ जे शब्द मेरे संघे तगर भरोचे दे न पर बाह्र औने गी तेआर गै नेईं मन करदा जे जरा चंगी चाल्ली बोहास्सरी लैं पर संघा घटोई जंदा ऐ शब्द अंदर गै रेही जंदे न अक्खां बी भरोची दियां ते होंदियां न पर ओह् बी जि’यां जिद्द फड़ियै बैठी दियां न जे उ’नें बी अपने भित्त बंद गै रक्खने न कोशश कीती बी जे कुसै गी सनांऽ व्यथा दिलै दी पर कोई मेरी गल्ल समझदा गै नेईँ इरनें गी कु’न समझाऽ जे दिलै दी कोई भाशा नेईं होंदी एह् ते इक संवेदना ऐ जिस्सी कोई दिलै आह्ला गै समझी सकदा ऐ
