मते दिनें दे मगरा
मते दिनें दे मगरा चित-बुद्ध होए भ्याल सजरे-सजरे अत्त सलक्खने होए ख्याल । मते दिनें दे मगरा इ’यां समर्पण आया जि’यां नदियें सागर कन्नै साक नभाया । मते दिनें दे मगरा मन निं पेआ दलीलैं किश ते टूना बरतेआ…
Vijaya Thakur
Writer
मते दिनें दे मगरा चित-बुद्ध होए भ्याल
सजरे-सजरे अत्त सलक्खने होए ख्याल ।
मते दिनें दे मगरा इ’यां समर्पण आया
जि’यां नदियें सागर कन्नै साक नभाया ।
मते दिनें दे मगरा मन निं पेआ दलीलैं
किश ते टूना बरतेआ निग्घी हिरखी हीलैं ।
मते दिनें दे मगरा मैह्की गीत-क्यारी
अपनी धड़कन आप सनोई आपमुहारी ।
मते दिनें दे मगरा आमद इ’यां होई
भरी दपैह्री जि’यां ठंडी छां ही थ्होई ।
मते दिनें दे मगरा गल्ल एह् समझा आई
माहनू उ’ऐ माह्नू जिस ने प्रीत नभाई ।
मते दिनें दे मगरा पुंगरी पेआ हौसला
जीवन लग्गेआ अत्त सन्हाका अत्त रौंसला ।
मते दिनें दे मगरा सोच पखेरू उड्डरे
भाव मनै दे अक्खरै र्होली होए उबड़े ।
मते दिनें दे मगरा मनै च बज्जियां कैह्ल्लां
छ्प्पै नेईं उत्त्साह में भाएं लक्ख छपैलां ।
मते दिनें दे मगरा इक-मिक अंदरा बाह्रा
गीत होए दे मीत जि’यां बडले दा तारा ।
About the Author
Born and brought up in Rajouri, culturally diverse and a beautiful town of Jammu and Kashmir; Ms. Vijaya Thakur is an established poet and translator, working as a lecturer zoology for Education Department of J&K (UT).\r\n\r\nShe has been awarded best teacher award by president in 2009 and has two poetry collections to her credit i.e. \"Kee Je\" (her own collection of Dogri poems) and \"Namen Laake ch\" (translation of Sahitya Akademi awarded Hindi poetry of Arun Kamal \"Naye Ilakae Mein\" to Dogri)
View all articles →