निक्के
निक्के फंगड़ू— अ’ऊं पैंछी अलबेला उच्ची मेरी डुआरी निक्के-निक्के मेरे फंगड़ू उडरने दी करदे त्यारी अ’ऊं भोला मनै दा सच्चा नेईं औंदी कोई मक्कारी नीला गास मेरी दुनिया न गै बैर कुसै कन्नै ते नां कोई मेरा…
N
Nilu Thapa
Writer
निक्के फंगड़ू— अ’ऊं पैंछी अलबेला उच्ची मेरी डुआरी निक्के-निक्के मेरे फंगड़ू उडरने दी करदे त्यारी अ’ऊं भोला मनै दा सच्चा नेईं औंदी कोई मक्कारी नीला गास मेरी दुनिया न गै बैर कुसै कन्नै ते नां कोई मेरा बैरी। हर पल इत्थै मौसम बदलै पल-पल बदलै दुनिया सारी खबरै किं फ्ही बी चंग्गी लग्गै मिकी हिरख बमारी। अ’ऊं हिरखी पखरू हिरख एह् मेरा ग्रांऽ तां गै हिरख दिलै इच्च साम्भी रक्खां प्रीत मनै कन्नै लाई रक्खां दुख सुख दी टाली बौंह्दा भेद मनै दा कुसैगी निं दस्सदा। सिक्खेआ निं कदें कोई बोल कौड़ा मिट्ठा बोलिये चबक्खै पाया रोला न समझेओ घमंड़ी मिगी मरियै इत्थैं होई जाना मिट्टी हिरखे दियां रौह्नियां इत्थै सच्ची क्हानियाँ अ’ऊं पैंछी अलबेला उच्ची मेरी डुआरी निक्के-निक्के मेरे फंगड़ू उडरने दी करदे त्यारी। —————————-
