ओह् आखदी ही
ओह् आखदी ही- "हिरख मिटी नेईं सकदा, निं कोशश कर मटाने दी, मेरी पैह्ली तमन्ना ऐ, तुगी अपना बनाने दी" में सोचदा हा, गल्ल ते सच्च ऐ पर आखदे ने सुन्ने गी कुंदन बनने लेई अग्गी च तपने पौंदा ऐ रांझे, कन्न…
V
Vikas Mangotra
Writer
ओह् आखदी ही- "हिरख मिटी नेईं सकदा, निं कोशश कर मटाने दी, मेरी पैह्ली तमन्ना ऐ, तुगी अपना बनाने दी" में सोचदा हा, गल्ल ते सच्च ऐ पर आखदे ने सुन्ने गी कुंदन बनने लेई अग्गी च तपने पौंदा ऐ रांझे, कन्न फटाने पौंदे ने सोह्नी गी डुब्बने पौंदा ऐ ताने मीह्ने, स्हारने पौंदे ने बन कंजरी, नच्चने पौंदा ऐ हिरख निं डरदा मौती कोला एह् सौंगलें-किल्लें नेईं बज्जदा इं’दियां उच्चियां परवाज़ां ने एह् पैंछी पिंजरे नेईं मनदा एह् पैंडा इश्कै दा अड़िये होंदा औखा ते बड़ा गै दूर जे पुज्जै टीसी तां अमरत जे डिग्गे ते चकनाचूर। ते एह् बी आखदे ने छड़ी होयै अग्ग जोआनी दी छड़ा मैह्कें दा होयै तरेआया छड़ी भुक्ख होयै जे जिस्में दी छड़ा लालसें दा होयै जाया ओह् रिश्ता कदें बी निभदा नेईं ओह् तोड़ कदें बी चढ़दा नेईं जे होयै नीतां गै खुट्टियां कीते दे कौल फ्ही निभदे नेईं कच्चियें कंधें कच्चियें नींहें हिरखै दे चौबारे चढ़दे नेई। पर खौरे एह् बी सच्च ऐ भांए तोड़ कदें बी चढ़दा नेईं रूहें दा रिश्ता बनदा नेईं ओह् फ्ही बी हिरख खोआंदा ऐ कोई टीस दिलै च जगांदा ऐ हिरख भांए झूठा गै होयै सच्चें गै मिटी ते नेईं सकदा हां, रुली-रुढ़ी जरूर जंदा ऐ हां, खुरी-भुरी जरूर जंदा ऐ। ————————————-
