पारस
कूले भावें आह्ली सुंद्धी हिरखै आह्ले निग्घे ताऽ बोह्ड़ै दी ओह् ठंडी छांऽ ब्हाऊ च बगदी बाश्ना खबरै केह्ड़ै पास्सै गे ? खबरै केह्ड़ै पास्सै गे ? कंक्रीट दे जाड़ें होई गे बास्से हुट्टियां तांह्गां…
Promila Manhas
Writer
कूले भावें आह्ली सुंद्धी हिरखै आह्ले निग्घे ताऽ बोह्ड़ै दी ओह् ठंडी छांऽ ब्हाऊ च बगदी बाश्ना खबरै केह्ड़ै पास्सै गे ? खबरै केह्ड़ै पास्सै गे ? कंक्रीट दे जाड़ें होई गे बास्से हुट्टियां तांह्गां रुस्से हास्से कंधां, मकान गै नेईं छड़े माह्नू बी कंक्रीट दे सीमेंट, लेतर बज्जरी दे। अक्खीं दा सारा नीर मकाओ बारो भामें अपना सरबस्स तरपिन्न होइयै होर होंदा पक्का भलेआं पक्का एह् कंक्रीट जो बी घस्सै चढ़दा एह्दै बजदा कन्नै मास्सां छोंह्दा ओह् माह्नू-माह्नू नेईं रौंह्दा खिंघर, खैंखर जज्जरा होंदा। कोई इक्क जे पारस होंदा सुन्ना करदा जिसगी छोंह्दा खिंघर, खैंखर मुक्की जंदे दर्द-कसाले चुक्की जंदे कुरजी औंदे कूह्ले भाव मुड़ी औंदे फ्ही हिरखी ताऽ बोह्डें आह्ली ठंडी छांऽ सर-सर करदी बाश्ना। ——————————-
About the Author
Promila Manhas 25 articles
Promila Manhas is known for her poignant style of writing. She has represented Dogri in many National Poetic Symposia. Apart from being a poet of repute she is a newscaster cum translator with Akashwani Jammu. Professionally, she is working with the Department of School Education of the UT of J&K as Lecturer in Botany.
View all articles →