फक्कड़
तज्ज मना एह् झूठी आकड़, होई जाचै अस फक्कड़ झूठे मान ते झूठे सारे इस दुनिया दे चक्कर कुत लेखै एह् मैह्ल-मनारे, कुत लेखै एह् कारां कुत लेखै एह् खिड़खिड़ हास्से, शैल-छबीलियां नारां कुत लेखै एह् कज्जल…
V
Vikas Mangotra
Writer
तज्ज मना एह् झूठी आकड़, होई जाचै अस फक्कड़ झूठे मान ते झूठे सारे इस दुनिया दे चक्कर कुत लेखै एह् मैह्ल-मनारे, कुत लेखै एह् कारां कुत लेखै एह् खिड़खिड़ हास्से, शैल-छबीलियां नारां कुत लेखै एह् कज्जल गजरे, छलदियां सरकारां कुत लेखै एह् रिश्ते नाते, पिट्ठैं मारन कटारां इ’नें सारें मुंड पटोना, जिल्लै झुल्लना झक्खड़ तज्ज मना एह् झूठी आकड़, होई जाचै अस फक्कड़ । तज्ज मना एह् सां-सां करना, फि'न्न फलाइयै रौह्ना कुसै निं तेरे कन्नै होना, अपनी कीती रोना चार ध्याड़े जिंदड़ी तेरी, तूं ते इक परौह्ना कुसै निं तेरे दुख बंडाने, कुसै निं कन्नै फकोना आपूं गै तुगी कट्टने पौने, बैतरनी दे चक्कर तज्ज मना एह् झूठी आकड़, होई जाचै अस फक्कड़ । चल्ल मना कोई धूनी लाचै, जां लाचै कोई फेरी तज्ज हां सारे मान ते रुतबे, तज्ज हां तेरी-मेरी बनज बपारैं लुट्ट पेई दी, झूठी मित्तरोचारी बनी पखेरू उड्डी चलचै, लम्मी मार डुआरी तज्ज मना एह् झूठ-चलाकी, होई जा दनां सरोखड़ तज्ज मना एह् झूठी आकड़, होई जाचै अस फक्कड़ ।
