साढ़े उ'ऐ धंदे
कल्ल सुना करदा हा मित्तरो में इक नोखी क्हानी मेरे मुर्शिद दी जबानी इ’यां बझोआ-- है ते है हर माह्नू दी बी क्हानी । दो हे उल्लू आई बैठे उप्पर बोहड़ा दी डाह्ल्ली इक दे पंजै जिंदा चूहा इक दे नागन काली…
V
Vikas Mangotra
Writer
कल्ल सुना करदा हा मित्तरो में इक नोखी क्हानी मेरे मुर्शिद दी जबानी इ’यां बझोआ-- है ते है हर माह्नू दी बी क्हानी । दो हे उल्लू आई बैठे उप्पर बोहड़ा दी डाह्ल्ली इक दे पंजै जिंदा चूहा इक दे नागन काली नागन ने चूहे गी दिक्खी लार इ’यां टपकाई भुल्ली गेई अपनी मौती गी जेह्की पंजे हेठ ही आई उद्धर काली नागन दिक्खी चूहे गी बी त्रेली आई ओह् बी भुल्लेआ मौती गी जेह्की पंजे हेठ ही आई। मुर्शिद आखन, दिक्खो संगतो कैसी प्रभु दी माया वासना निं मुकदी भाएं यम दे हत्थैं काया ते मौती शा बी बड्डा डर, मौती दा डर इ’यां गै कंबदे रौह्न्नें अस मरदे रौह्न्नें पल-पल म्हेशा गै अस फसे दे आं यमराज दे पंजै फ्ही बी मत्त निं औंदी किश साढ़े उ'ऐ धंदे ।
