तड़प
इक्क कविता जेह्ड़ी होना चांह्दी कविता रोह्ना चांह्दी सुत्तैंर भरना चांह्दी डोआरी गूंजन पक्खरू आंह्गर इक्क कविता जेह्ड़ी उड्डना चांह्दी ठंडी ब्हाऊ दे फनाके साहीं बगना चांह्दी बनियै सुथरी गंगा माई पुन्न…
K
Kalpana Tejasvini
Writer
इक्क कविता जेह्ड़ी होना चांह्दी कविता रोह्ना चांह्दी सुत्तैंर भरना चांह्दी डोआरी गूंजन पक्खरू आंह्गर इक्क कविता जेह्ड़ी उड्डना चांह्दी ठंडी ब्हाऊ दे फनाके साहीं बगना चांह्दी बनियै सुथरी गंगा माई पुन्न कमांदी पाप मकांदी इक्क कविता जेह्ड़ी खिल्लरना चांह्दी ते मैहकना चांह्दी शांत धरत दी खशबो जेही इक्क कविता जेह्ड़ी गुहाड़ना चांह्दी अन्दरौले भेत जेह्ड़ी अक्खरें दी बुक्कली च पलेटना चांह्दी रूह् दी बेदन तुस्सैं उस्सी बी बन्नी टकाया छंदें ते बेह्रें अंदर उ'आं गै जिं’यां कुसै दे अंदरे दी पितृसत्ता ने बन्नी टकाई होए कुसै दे अन्दरे दी हस्सदी खेड़दी जनानी। ——————————
