तूं नेईं आया
थोड़ी छेड़ होई में नस्सदी गेई पर कोई नीं लब्भा मेरी नज़र दूर जाइयै थक्की हारी दी परतोई आई, इक्कली आस बद्दा मन मेरा कमलाई गेआ बत्त बी आई गेई दरोआजे तोड़ी पर तूं नेईं आया। में अग्ग बाली तेरे चेते ताज़ा…
P
Pawan Verma
Writer
थोड़ी छेड़ होई में नस्सदी गेई पर कोई नीं लब्भा मेरी नज़र दूर जाइयै थक्की हारी दी परतोई आई, इक्कली आस बद्दा मन मेरा कमलाई गेआ बत्त बी आई गेई दरोआजे तोड़ी पर तूं नेईं आया। में अग्ग बाली तेरे चेते ताज़ा कीते अपना-आप में बाह्र मूढ़े उप्पर रक्खी ओड़ेआ ते अंदर जाइयै तेरे चेतें नै इकमिक होई गेई तेरे चेते ते आए पर तूं नेईं आया। में कंगनी खलारी आला बी मारेआ पर कोई बी कांऽ बनेरै नीं बैठा तेरे तांईं स्वैटर बुननै लाया केईं बारी द्रड़ेया केईं बारी बनाया में दुआठनै अग्गै दीया बालेआ ओह् बी बलगी-बलगी हिस्सली गेआ पर तूं नेईं आया। अक्खीं दे अत्थरूं सब मुक्की गे में बत्हेरे नचोड़े पर नेईं निकले चढ़दा सूरज रोज मेद बधांदा ते तरकालें ओह् तिड़की जंदी हिस्सलै दे मनै दी कालख कन्नै में औंसियां पाई-पाई हुट्टी पर तूं नेईं आया। मिगी तेरा टपला बी लग्गा पर किन्नी बारी लग्गदा रोज़ द’ऊं कप चाऽ बनानी आं पर तूं घुट्ट नी भरदा में इक्कली लेटी दी बारी चा दिक्खदी रौह्न्नी आं, चन्न बी आई गेआ चाननी कोल पर तूं नेईं आया। —————————————-
