छिंझां

0
409

शैह्‌र-ग्राएं छिंझां पाचै
आओ, इं’दे भेड़ लुआचै ।

फुट्टै नेईं कोई हिरखी पौंगर
आओ, ऐसा छट्टा लाचै ।

तां गै चलनी साढ़ी हट्टी
दंगे-कतल फसाद कराचै ।

धर्म बनी गेआ अज्ज ऐ साढ़ा
अग्गां कि’यां कु’त्थै लाचै ?

दूरा दा फ्ही दिक्खो तमाशे
आओ, मुर्गे-मछली खाचै।

चोरी, स’न्नां, डाके मारी
आओ, धर्मी नाह्‌रे लाचै ।

माह्‌नू जीवन फ्ही नेईं थ्होना
आओ, किश करियै जाचै ।

सूरज-चंदा सब दे सांझे
आओ, ऐसियां किरणां पाचै ।

आपै हस्सो, दुनियां रोऐ
दुनियां छोड़ी जेल्लै जाचै ।

LEAVE A REPLY

Please enter your comment!
Please enter your name here