नशानी

0
345

सूहे थेवे दी एह् ङूठी जेह्‌ड़ी मीं पाई दी
एह् ते अज्जै दी नेईं, लौह्‌की बरेसा दी ऐ
एह् उ’नें दित्ती ही हिरखै दी नशानी अपनी
ते उ’नें गै मेरे हत्थ पाई ही अपने हत्थैं
मीं जदूं पाई ही ङूठी तां खुशी दे कन्नै
मेरियें अक्खीं चा दो मोती बगी आए हे ।

बाल-बुद्धि ही ते किज समझ बी एड्डी निं ही
भाखियां कु’न्न हियां हिरखै दियां एह् सारां
सारा दिन हासें ते खेढें च ढली जंदा हा
अती मन-मोह्‌ने हे अमरत भरे दे ओह्‌के दिन
पर मिरे भागें हे बिक्ख कौड़े भरे दे प्याले ।

समां बदलोई गेआ, लीला ओह् सब लोप होई
ओह् जेह्‌ड़े प्राणें थों बद्ध प्यार मिगी करदे हे
हुन ते ओह् होर दे किज होर गै मूरत लभदे
हुन कदें औंदे, नां बौंह्‌दे, नां कदें मिलदे न
इक्कै शैह्‌रा च र’वा करने आं ,पर बिछड़े दे
राम जान्नै कदूं ओह् हिरख कदें हुन पौंगरना
मेरी सेवा दा कदें फल ते मिगी मिलना गै ।

LEAVE A REPLY

Please enter your comment!
Please enter your name here