लोरी

0
361

आई जा नींदरे, आई जा
नित्थरे दे सरें इच समाई जा ।

तौले-तौले आमेआं अज्ज तूं
नेईं इन्ने भारें भज्ज तूं
परियें दी कत्थ सनाई जा
आई जा नींदरे, आई जा।

नेईं नखरे कर तूं मजाजने
खोह्‌ल सुखने दे थान बजाजने
सुहे- सैल्ले टल्लू लोआई
दुद्धु-भत्तु दी चूरी खलाई
खुशियें दी पनीरी राही जा
आई जा नींदरे, आई जा।

गलाबी पोटली देऐ चिड़ी रौंगली
फंघ ममोले दा उड्डरै फड़ी औंगली
बुज्झां आ’ऊं मनै दी सार तेरी
करै हसूं-हसूं नोहार तेरी
बिधमाता बुल्लैं मुस्काई जा
आई जा नींदरे, आई जा।

इल्लडे़-बिल्लडे़ आई तेरी मां
पक्कियां परौंठियां खाई गेआ कां
मुन्नुए गी खाने पे फुल्के बे
ऐ-ऐ-ऐ भाई, ऐ-ऐ-ऐ
गोडैं झूटे-माइयां झटाई जा
आई जा नींदरे, आई जा।

LEAVE A REPLY

Please enter your comment!
Please enter your name here