अपने ब्याह् दी असें खुशी नेईं मनाई
अपने ब्याह् दी असें खुशी नेईं मनाई सच्च-झूठ मारी मसां गल्ल बनकाई पवै निं कोई भानी ते मारै निं कोई मूंह् तारा डुब्बे दे गै माड़े म्हीनै होई कड़माई अपने ब्याह् दी असें खुशी नेईं मनाई । लग्गी पेइयां होन…
P
Pawan Verma
Writer
अपने ब्याह् दी असें खुशी नेईं मनाई सच्च-झूठ मारी मसां गल्ल बनकाई पवै निं कोई भानी ते मारै निं कोई मूंह् तारा डुब्बे दे गै माड़े म्हीनै होई कड़माई अपने ब्याह् दी असें खुशी नेईं मनाई । लग्गी पेइयां होन ब्याह् दियां तेआरियां होआ दियां साढ़ियां नोहारां बे-नोहारियां बूंदी, शक्करबारें कन्नै बनै दियां मट्ठियां खा दे सब्हैरियां ते करा दे न न्हारियां जि’यां चढ़दी ऐ दसमें दे बाद कढ़ाई अपने ब्याह् दी असें खुशी नेईं मनाई । लान इ’यां बुटना जि’यां कोई भलोआन होऐ नोहालेआ मी इ’यां जि’यां आखरी शनान होऐ होन लग्गा हवन ते देन सारे औह्तियां मैंतर मी लग्गै जि’यां गरुड़ पराण होऐ दक्खना निं दित्ती, कीती पंतै लड़ाई अपने ब्याह् दी असें खुशी नेईं मनाई । कोटा दियां बाह्मां लम्मियां, लेइयां असें टुंगी रंगियै रेड़ी पग्ग तां फ्ही लग्गी गेई खुंघी नाई ने बी दस्सी ऐसी पुट्ठी कारीगिरी ब’न्ननी ही पग्ग मेरै, ब’न्नी बैठा भुंगी फट्टे दा रपेआ करै बारना ताई अपने ब्याह् दी असें खुशी नेईं मनाई । अक्ख चोब्भी भाबी ने तां सुरमा पेआ होई गेआ जिल्लै किट्ठा सगन क्या शारा मारी दोस्तै गी सद्दी लेआ कोल पैरैं लाने जोगे जाइयै बूट ते लेआऽ किश लेई गेई भाबियां सुरमा पोआई अपने ब्याह् दी असें खुशी नेईं मनाई । सौह्रे घर परछत्ती परा सिरै प पेआ कैन बाह्रली वेदी निग्गर बरखा, कन्नै पेई गेई ऐह्न गि’ल्लियां फ'ट्टियां,धूं-धुआखड़ नेईं मनै गी चैन जात बक्खरी, इक्कै गोतर लग्गी लाड़ी भैन लेइयै तमोल मसां जिंद छड़काई। अपने ब्याह् दी असें खुशी नेईं मनाई । औंदे गै लाड़ी ने मिगी चाढ़ी लेआं चाल्लैं ब्याह् दा दोहार फ्ही मकाया कु’नै हालैं ताहीं-तुआहीं सारे जदूं दे-दे होन लग्गी सत्त दा सत्त सौ दित्ता पूरे सत्तें साल्लैं लाड़ी दी फरमैशें दित्ती चमड़ी लोहाई अपने ब्याह् दी असें खुशी नेईं मनाई।
