बख्त
बख्त दी गल्ल— अकसर आखदे-सुनदे आं बख्त-बख्त दी गल्ल ऐ कदें ओह्दा बी बख्त हा बिच्चें-बारें अपना बी बख्त हा उं’दे बख्त च ओह्दा ताब दिक्खने आह्ला हा पैर जिमीं उप्पर टिके गै नेईं अपने-आपै गी इन्नी उच्चे…
R
Rachna Vinod
Writer
बख्त दी गल्ल—
अकसर आखदे-सुनदे आं
बख्त-बख्त दी गल्ल ऐ
कदें ओह्दा बी बख्त हा
बिच्चें-बारें अपना बी बख्त हा
उं’दे बख्त च ओह्दा ताब दिक्खने आह्ला हा
पैर जिमीं उप्पर टिके गै नेईं
अपने-आपै गी इन्नी उच्चे थाह्रै समझेआ
जे
श्मानै डुआरी भरदे-भरदे
जिमीं कन्नै जुड़ना गै बिसराया
जादें च ढलदा बख्त
जां
अज्ज-कल दा मसरूफ बख्त
गेआ गुजरे बख्त दी खट्टी-मिट्ठी जादां
औने आहले सनैह्री बख्त दी भरबासां
सुआसें च बसदा-रसदा
जींदा-जागदा परतक्ख प्रमाण
मजूदा बख्त बी ते सभनें दा।
—————————————-