शूशपाई
शूशपाई— शूशपाई-शूशपाई पल-खिन दी बंडो-बंडाई बक्त दे बेह्ड़ै खबरै कुस एह् खेड बनाई धुप्प ने दिनै लोऽ लिशकाई तारें ने राती दी कीती बुनाई सब इ’दै च पलचोए दे लग्गे चबक्खी जिसलै नजर दौड़ाई। चन्न ते सूरज दी…
R
Rachna Vinod
Writer
शूशपाई—
शूशपाई-शूशपाई
पल-खिन दी बंडो-बंडाई
बक्त दे बेह्ड़ै
खबरै कुस एह् खेड बनाई
धुप्प ने दिनै लोऽ लिशकाई
तारें ने राती दी कीती बुनाई
सब इ’दै च पलचोए दे लग्गे
चबक्खी जिसलै नजर दौड़ाई।
चन्न ते सूरज दी पकड़न-पकड़ाई
रात दिन दी शूशपाई
नेईं न्हेरे फड़ोए
नेईं लोऽ हत्थ आई
अनछूहा किश गेआ छुहाई
मनै च कैसी लगन लगाई
इक-दूए शा सुआया दे चक्करै
कुदरत ने ऐसी खेढ खेडाई।
—————————————