बरखा रानी
बरखा रानी पाइयै पजेबां छुन-छुन करदी आई जायां सुक्की बंजर होई धरती पानी कन्नै रजाई जायां बरखा रानी पाइयै पजेबां छुन-छुन करदी आई जायां। ब्हाऊ दा इक बनियै झौंका सुच्चा करी जाऽ चु'ल्ल-चौका हुस्सड़ै नै मन…
R
Ratan Bhardwaj
Writer
बरखा रानी पाइयै पजेबां छुन-छुन करदी आई जायां सुक्की बंजर होई धरती पानी कन्नै रजाई जायां बरखा रानी पाइयै पजेबां छुन-छुन करदी आई जायां। ब्हाऊ दा इक बनियै झौंका सुच्चा करी जाऽ चु'ल्ल-चौका हुस्सड़ै नै मन काह्ला पेदा दराबड़ै दा इक दे हां त्रौंका मुट्टी-मट्टी फुंगां सु’टि्टयै, ठार कालजै पाई जायां सुक्की बंजर होई धरती पानी कन्नै रजाई जायां बरखा रानी पाइयै पजेबां छुन-छुन करदी आई जायां। राग अ'ऊं मल्हार छेड़ेआ फ्ही बी की तूं भित्त ब्हेड़ेआ अग्गें-पिच्छें सारै ब'रनीं साढा़ गै घर की नखेडे़आ उडदे-उडदे बदलें कन्नैं इक फराट्टी पाई जायां। सुक्की बंजर होई धरती पानी कन्नै रजाई जायां बरखा रानी पाइयै पजेबां छुन-छुन करदी आई जायां। अंबर दिक्खी पपीहा गांदा कोयलें कन्नै सुर मिलांदा स्वाती फुंगें दी हीखी लाई बरखा रानी गी ऐ गलांदा खेतर सौरी जान एह् सारे लाह्में "रतन" मकाई जायां। सुक्की बंजर होई धरती पानी कन्नै रजाई जायां बरखा रानी पाइयै पजेबां छुन-छुन करदी आई जायां।
