गीत
तुं’दा रुस्सना ते कदें-कदें हस्सना तुं’दे चेते असें भुलाए नेईं किश गीत लिखे हे तुं’दे लेई ओह् कुसै गी असें सुनाए नेईं तुं’दा रुस्सना ते कदें-कदें हस्सना तुं’दे चेते असें भुलाए नेईं । कि’यां कड्ढां मनै…
R
Ratan Bhardwaj
Writer
तुं’दा रुस्सना ते कदें-कदें हस्सना तुं’दे चेते असें भुलाए नेईं किश गीत लिखे हे तुं’दे लेई ओह् कुसै गी असें सुनाए नेईं तुं’दा रुस्सना ते कदें-कदें हस्सना तुं’दे चेते असें भुलाए नेईं । कि’यां कड्ढां मनै चा तुं’दा मीं नांऽ ओह् पींघें दे झूटे, ओह् पिप्पलें दी छांऽ झड़ी अक्खियें चा छम-छम लग्गी मेरे अत्थरूं बी अक्खियें गी भाए नेईं किश गीत लिखे हे....। लेखा-जोखा असें हुन केह् करना दरद दिलै दा बी हस्सियै जरना जख्म असेंगी जि’न्नै दित्ते हे ओह् अपने गै हे, पराए नेईं किश गीत लिखे हे......। बोल तुं’दे असेंगी सतांदे रेह् गीत गाइयै कंधें गी सनांदे रेह् तुं’दे औने दी हीखी च असें कोई साथी नमें बनाए नेईं किश गीत लिखे हे......। तुं’दा रुस्सना ते कदें-कदें हस्सना तुं’दे चेते असें भुलाए नेईं किश गीत लिखे हे........।
