सादा जीवन
कुदरत कन्नै गड़ी-मिड़ी हसदे-खेढदे गांदे हे सादा जीवन जींदे हे ते बिंद नेईं होंदे मांदे हे कुदरत कन्नै गड़ी-मिड़ी हसदे-खेढदे गांदे हे । चु'ल्लां लोकें भन्नी टकाइयां, घरें-घरें इच गैसां आइयां कुक्कर दियां…
R
Ratan Bhardwaj
Writer
कुदरत कन्नै गड़ी-मिड़ी हसदे-खेढदे गांदे हे सादा जीवन जींदे हे ते बिंद नेईं होंदे मांदे हे कुदरत कन्नै गड़ी-मिड़ी हसदे-खेढदे गांदे हे । चु'ल्लां लोकें भन्नी टकाइयां, घरें-घरें इच गैसां आइयां कुक्कर दियां सीटियां गिनदे, धूनियां लानी इ'नें भुलाइयां स'ञां दे छौरे दिक्खी दाली दा कुन्न गड़कांदे हे सादा जीवन हे जींदे ते बिंद नेईं होंदे मांदे हे कुदरत कन्नै गड़ी-मिड़ी हसदे-खेढदे गांदे । पित्तल, कैंह् ,भरथ हा चंगा, हिरखै दी बगदी ही गंगा खड़कदे न हून लोहे दे भांडे, तां गै घरें इच होंदा दंगा चौक्के इच पवित्रता ही, अपने भाग सरांह्दे हे सादा जीवन हे जींदे ते बिंद नेईं होंदे मांदे हे कुदरत कन्नै गड़ी-मिड़ी हसदे-खेढदे गांदे । कुन्नी, डोई नेईं लभदी पात्तर, रसोई घर बी होए दा आत्तर घड़ें बिना घड़ेयाली सुन्नी, फ्रिज्जें घरें च पाई दी जात्तर दुद्ध काढ़ना दुद्धनी भरियै, चाट्टी च देहीं जमांदे हे सादा जीवन हे जींदे ते बिंद नेईं होंदे मांदे हे कुदरत कन्नै गड़ी-मिड़ी हसदे-खेढदे गांदे । रीति-रिवाज सब भुल्ली टकाए, जेह्ड़े हे साढ़े बजुर्गें बनाए रुट्टी बी हून खड़ोइयै न खंदे, चौखरें आह्ले ढंग अपनाए भुञां बेही संदोखै कन्नै जत्तरियै रज्ज लादे हे सादा जीवन हे जींदे ते बिंद नेईं होंदे मांदे हे कुदरत कन्नै गड़ी-मिड़ी हसदे-खेढदे गांदे । ब्यूटी पार्लर कुसै निं हे भाखे, तां बी माह्नू हे बड़े सन्हाके मेक-अप कीते दे इ'यां लग्गन, जि'यां 'रतन' लाए मर्हाक्खे नंगा सिर निं हा रखदा कोई, टल्ले बी पूरे लांदे हे सादा जीवन हे जींदे ते बिंद नेईं होंदे मांदे हे कुदरत कन्नै गड़ी-मिड़ी हसदे-खेढदे गांदे ।
