धीआं
एह् पीढ़ मनै दी औखी ऐ जग्ग मेरे नांए दोखी ऐ मन आखै पक्ख़रु बनी उड़री जां ते दरद दिलै दे छुड़ी भुलां एह् टीस मनै दी कोह्की ऐ। जे पिंजरे पाया इस पैंछी गी ते फंग बी बड्डी छोड़े फ्ही हून उड्डियै कि’यां…
K
Kalpana Tejasvini
Writer
एह् पीढ़ मनै दी औखी ऐ
जग्ग मेरे नांए दोखी ऐ
मन आखै पक्ख़रु बनी उड़री जां
ते दरद दिलै दे छुड़ी भुलां
एह् टीस मनै दी कोह्की ऐ।
जे पिंजरे पाया इस पैंछी गी
ते फंग बी बड्डी छोड़े फ्ही
हून उड्डियै कि’यां जां दस्सो
ते मनै गी कुत्थै लां दस्सो
ते रोई कुस्सी सनावा फ्ही।
एह् पिंजरा घर हून मेरा ऐ
होर केह्ड़ा दर हून मेरा ऐ
भामे फंग मिलन, भामे उड्डरी जां
भामे मिली बी जा मेरे मनै दी थांह्
पर रूह जित्थें नांऽ तेरा ऐ।
अज्ज किन्ने गै पक्खरू बज्जी गे
भुक्ख बाकी दस्सन रज्जी गे
किन्नियां टीसां, अत्थरूं, दुख किन्ने
पिंजरे शा पैह्लै अरमान हे जिन्ने
रूह् रोंदी जिन्दु सज्जी गे।
एह् पक्खरू भोले हुंदे न
बड़े भागें आह्लें थ्होंदे न
इ’नें उड्डन देओ गासा उच्चे
मनै इं’दे खुशी दी लोऽ पुज्जे
पिंजरे दी कैदा बडे़ रौंह्दे न।
————————-