दुनिया किन्नी सन्हाकड़ी ऐ
तुसेंगी बी मेरे साहीं शैल लगदा होना झुसमुसै भांत-सभांतड़े पक्खरुएं दा गीत गाना ते प्रीत जताना, चिड़ियें-काएं दा बोलना ते किरणें दा सनैह्री डोह्ल्लना मोतिये दी कश्बो ते निम्मी लो चिड़ियें दा भुब्बली…
U
Usha Kiran
Writer
तुसेंगी बी मेरे साहीं शैल लगदा होना झुसमुसै भांत-सभांतड़े पक्खरुएं दा गीत गाना ते प्रीत जताना, चिड़ियें-काएं दा बोलना ते किरणें दा सनैह्री डोह्ल्लना मोतिये दी कश्बो ते निम्मी लो चिड़ियें दा भुब्बली च न्हौना मैंहीं दी पिट्ठी पर खुशी-खुशी काएं दा बौह्ना बूह्टे हेठ राम करा दे गवें, बच्छुएं दी पिट्ठी पर चिड़ियें-गटारियें दा नंदै कन्नै सोआरी करना बगदी त’वियै पर सतरंगी किरणें दा लश्कारा अश्कै सुर्ग इत्थै गै उतरी आए दा होऐ सारे दा सारा कोयलें दा कूकना, खड्डें-नालें दा सूंकना चीड़ें दा सां-सां, काएं दी कां-कां झरनें दी झर-झर पक्खरू-पखेरुएं दे फंघें दा फर-फर नाड़ुएं दा छर-छर सुक्के दे पत्तरें दा सर-सर पैंछियें दियां टोल्लियां ते भांत-सभांतियां बोल्लियां अश्कै ठनका दियां होन थालियां ते कौल्लियां एह् खूह् ते एह् बौल्लियां पानी भरने गी जा दियां गोरियां ते सौलियां सिरै पर घड़े रक्खी, तौलियां-तौलियां ते फ्ही मेरे चेतें च अज्ज बी ऐ ओह् पराना जमान्ना जिसलै स’ञै बाईं पर जाइयै न्हौंदे हे इसदे परैंत्त बारी-बारी सभनें दे घड़ु भरोंदे हे ते फ्ही अस किट्ठे होइयै झौंगरे रुक्खै हेठ बौंह्दे हे इसदे परैंत्त खंदे हे खमीरू ते माकड़ियें दा चार ते खंदे हे मुट्ठी कन्नै भन्नियै गंढा उप्परा पींदे हे बाईं दा पानी ठंडा-ठंडा एह् सब उस प्रभु दी लीला ऐ माह्नू ऐह्में जानी बौंह्दा आकड़ी-आकड़ियै सच्चें गै दुनिया किन्नी सन्हाकड़ी ऐ आखा दी बूह्टे उप्परा ख’ल्ल पौंदी-पौंदी माकड़ी ऐ । …
