जाल
जाल धोखें दे बछाई माह्नू चलदा जा’रदा माह्नुऐं गी अज्ज दिक्खो माह्नू छलदा जा’रदा । अग्ग चौनें पासें ऐ, मनुक्खता संभी गेई पापै आह्ले सेकें नै धरत बी कंबी गेई पुन्न भस्म होई गेआ, पाप फलदा जा’रदा…
U
Usha Kiran
Writer
जाल धोखें दे बछाई माह्नू चलदा जा’रदा माह्नुऐं गी अज्ज दिक्खो माह्नू छलदा जा’रदा । अग्ग चौनें पासें ऐ, मनुक्खता संभी गेई पापै आह्ले सेकें नै धरत बी कंबी गेई पुन्न भस्म होई गेआ, पाप फलदा जा’रदा माह्नुऐं गी अज्ज दिक्खो माह्नू छलदा जा’रदा । हिरखै दा निं नांऽ रेहा, पेइयां न सरीकियां मनुक्खता दे रिश्तें दियां समझै कु’न बरीकियां दुश्मनी दी कुहाड़ी नै भविक्ख दलदा जा’रदा माह्नुऐं गी अज्ज दिक्खो माह्नू छलदा जा’रदा । साह् सुक्की जा’रदे, जीना औखा होई गेआ कलेजे फट्टी जा’रदे, सीन औखा होई गेआ मोमै आंह्गर अज्ज दिक्खो माह्नू घलदा जा’रदा माह्नुऐं गी अज्ज दिक्खो माह्नू छलदा जा’रदा । जाल धोखें दे बछाई माह्नू चलदा जा’रदा माह्नुऐं गी अज्ज दिक्खो माह्नू छलदा जा’रदा ।.
