दुश्मन
बंद कराइयै कम्म ते धंदे घरै बिच्च बठाए दा कैसा दुश्मन आया, जिसने सारा जग नचाए दा। एह्दे अग्गें फेल बंदूकां, ऐसा दुश्मन गुज्झा एह् पेई गेआ पिच्छें हत्थ धोइयै, देन डरावे रुज्झा एह् लब्भै जेकर चित्त…
K
Kuldeep Kippi
Writer
बंद कराइयै कम्म ते धंदे घरै बिच्च बठाए दा कैसा दुश्मन आया, जिसने सारा जग नचाए दा। एह्दे अग्गें फेल बंदूकां, ऐसा दुश्मन गुज्झा एह् पेई गेआ पिच्छें हत्थ धोइयै, देन डरावे रुज्झा एह् लब्भै जेकर चित्त मारना, लोकें मन बनाए दा। कैसा दुश्मन आया, जिसने सारा जग नचाए दा। मुँहै उप्पर मास्क लाना, भुल्ल निं करनी मासा बी फुल्ल पर्हेज करना, कन्नै रक्खना इक भरोआसा बी स्याना इसलै उ'ऐ, जिस्स बोझै सैनीटाइजर पाए दा। कैसा दुश्मन आया, जिसने सारा जग नचाए दा। अपनी जिंद ते बेह्ड़ा- म्हल्ला, देश बचाना जरुरी ऐ ताप चढ़ै जां खंघ होऐ तां टैस्ट कराना जरुरी ऐ लड़ने गित्तै ताकत बधदी, टीका जेकर लोआए दा। कैसा दुश्मन आया, जिसने सारा जग नचाए दा। पुलस ते डाक्टर नर्सां सब्भै, कोरोना योद्धे खोआंदे न बैंकर, मास्टर, आशा वर्कर सद्दरें साथ नभांदे न हौंसला इं’दा बधाना ‘किप्पी’ ,सरकारै एह् गलाए दा। कैसा दुश्मन आया, जिसने सारा जग नचाए दा। बंद कराइयै कम्म ते धंदे घरै बिच्च बठाए दा कैसा दुश्मन आया, जिसने सारा जग नचाए दा। ……………………………………………………………
