गज़ल
पता निं इक परू दे परार किन्ने हे समें दे बे-थ’वे , बे-ब्हा खलार किन्ने हे ? नदी, नदी दे रुआर, इक नदी नदी दे पार नदी ते इक्कै ही, पर आर-पार किन्ने हे ! तदूं ते होश गुआचे दे हे, जरूरत ही पर हुन में…
R
Raaz Manawari
Writer
पता निं इक परू दे परार किन्ने हे
समें दे बे-थ’वे , बे-ब्हा खलार किन्ने हे ?
नदी, नदी दे रुआर, इक नदी नदी दे पार
नदी ते इक्कै ही, पर आर-पार किन्ने हे !
तदूं ते होश गुआचे दे हे, जरूरत ही
पर हुन में सोचनां, खज्जल-खुआर किन्ने हे !
हे गर्जमंद, दवान्नी सिरै चढ़ी दी ही
असें निं सोचेआ, स्हान्नें दे भार किन्ने हे !
नमें मकान च रौह्न्नां, में हुन की याद करां
परानी छत्तै पर उसलै मघार किन्ने हे ?
