ग़ज़ल
मलांदा रौंह्दा हा सजरी करेह् ओह् रेतु इच पता निं लोड़दा रौंह्दा हा केह् ओह् रेतु इच। जिऱनें लखाए हे बन्ने ओह् आर-पार गे जिऱनें बरेत लखाई ही, रेह् ओह् रेतु इच। ओह् जिस गी फखर हा मुगता तऱवी दी भौड़ें…
R
Raaz Manawari
Writer
मलांदा रौंह्दा हा सजरी करेह् ओह् रेतु इच
पता निं लोड़दा रौंह्दा हा केह् ओह् रेतु इच।
जिऱनें लखाए हे बन्ने ओह् आर-पार गे
जिऱनें बरेत लखाई ही, रेह् ओह् रेतु इच।
ओह् जिस गी फखर हा मुगता तऱवी दी भौड़ें पर
पता निं की नेईं तुपदा सनेह् ओह् रेतु इच।
न किश चलोभियें कीता, न धुप्प दे सेकें
जनेह् पानियें अंदर जनेह् ओ रेतु इच।
किले बनाए हे रेतु दे जिंऱदे पुरखें ‘राज़’
अजें बी लोड़दे रौंह्दे न थेह् ओह् रेतु इच।
