गज़ल
अब्बरै पानी रोइयै दिक्ख रत्तियें हौला होइयै दिक्ख । पुल्ले पैरें बल्लें-बल्लें जा उं’दे कोल बेहियै दिक्ख। घर उं’दै जाना तां पीड़े मूहों-मूंह् भरोइयै दिक्ख । निक्का नेहा उं’दा दरोआजा नीह्ठा होई जा,…
R
Ratan Doshi
Writer
अब्बरै पानी रोइयै दिक्ख
रत्तियें हौला होइयै दिक्ख ।
पुल्ले पैरें बल्लें-बल्लें
जा उं’दे कोल बेहियै दिक्ख।
घर उं’दै जाना तां पीड़े
मूहों-मूंह् भरोइयै दिक्ख ।
निक्का नेहा उं’दा दरोआजा
नीह्ठा होई जा, नौइयै दिक्ख ।
मेरा हाल सनाना ऐ तां
मेरे आंह्गर होइयै दिक्ख ।
‘दोषी’ दे मन बौह्ना ऐ तां
चाएं-चाएं पसोइयै दिक्ख ।
