गज़ल
गलानी शा उसदा पता लगदा ऐ ज़ख़्म उसदा बी नमां लगदा ऐ। किन्ने बदनीते न एह् दुनिया आह्ले घरै शा निकलो तां पता लगदा ऐ। इन्ना बी बखला नेईं कलापा असें इक-दो दिन बुरा लगदा ऐ। अज्ज बी नेईं ओह् औने आह्ला…
R
Ratan Doshi
Writer
गलानी शा उसदा पता लगदा ऐ
ज़ख़्म उसदा बी नमां लगदा ऐ।
किन्ने बदनीते न एह् दुनिया आह्ले
घरै शा निकलो तां पता लगदा ऐ।
इन्ना बी बखला नेईं कलापा असें
इक-दो दिन बुरा लगदा ऐ।
अज्ज बी नेईं ओह् औने आह्ला
एह्का दिन बी गेआ लगदा ऐ।
उ’आं भार छाती प बड़ा ऐ
मुस्काई देने च केह् लगदा ऐ !
चार पैर छिंडे प कचैहरी ऐ
सोची लैओ ! समां बड़ा लगदा ऐ।
