गज़ल
याद तेरी मैह्रमा, आई तां टुरदी होई हिरदै ब्हाली चाएं, ओह् बी भुरदी होई। सुखनें मैह्ल बनाया, खूब सजाया नीहें सिर सोआके, धरत खुरदी होई। नां ही भुल्ल तेरी, नां दोश मेरा हा खुंझ जो बी होई, बुरदो-बुरदी…
R
Ratan Doshi
Writer
याद तेरी मैह्रमा, आई तां टुरदी होई
हिरदै ब्हाली चाएं, ओह् बी भुरदी होई।
सुखनें मैह्ल बनाया, खूब सजाया
नीहें सिर सोआके, धरत खुरदी होई।
नां ही भुल्ल तेरी, नां दोश मेरा हा
खुंझ जो बी होई, बुरदो-बुरदी होई।
सागर छाती बिंबलेआ मूंह ज़ोर बड़ा
औंदी-औंदी लैह्र कनारै टुरदी होई।
साह्-गरोले गेनमें, पैह्रें प दिन-रात
ज़िंदगी खुरै दी ‘दोषी’ खुरदी होई।
